Gondor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En a ficción de J.R.R. Tolkien, Gondor ye o reino mas gran d'os Hombres en o ueste d'a Tierra Meya en zaguerías d'a Tercera Edat. Lo tercer volumen de O Sinyor d'os Aniellos, A Tornada d'o Rei, s'ocupa en gran mida d'os eventos en Gondor mientres a Guerra de l'Aniello y d'a restauración d'o reino posterior. A historia d'o reino se describe en os apendices d'o libro.^[1]

Seguntes a narración, Gondor estió fundau per os chirmans Isildur y Anárion, exiliaus d'o reino insular cayiu de Numenor. De conchunta con Arnor en o norte, Gondor, o reino d'o Sud, sirvió como zaguer bastión d'os Hombres d'o Ueste. Dimpués d'un periodo inicial de creiximiento, Gondor disminuyió gradualment a medida que abanzaba a Tercera Edat, estando de contino debilitau per luitas internas y conflictos con os aliaus d'o Sinyor Fosco Sauron. En l'inte d'a Guerra de l'Aniello, a cadiera reyal de Gondor ye vueda, encara que os suyos prenzipaus y feudos encara rinden deferencia a lo rei absent en amostrar a suya leyaltat a los Mayordomos de Gondor. O dominio d'o reino se restauró nomás con a redota zaguera de Sauron y a coronación d'Aragorn como rei.

1. ↑ (en) Garth, John (2020). The Worlds of J.R.R. Tolkien: The Places that Inspired Middle-earth. Frances Lincoln Publishers & Princeton University Press. p. 41. ISBN 978-0-7112-4127-5.