Grevors

Dit artikel is gesjreve (of begós) in 't Grevorsters. Laes hie wie v'r mit de versjillende saorte Limburgs ómgaon.

Grevors (Nederlands: Grubbenvorst) is en dörp in de Nederlands-Limburgse gemeinte Haors aan de Maas. 't Leet aan de weskant vân de Maas, taegeneuver Velde. In november 2013 hâj 't 4.859 inwoëners; en daormeij is 't de twiënao groëtste kern vân Hors aan de Maas.

't Dörp hoot oorspronkelik allein Vors(t); Grubbe waas de naam vân 't beejliggende kastiél. Nôw is dit de rewiéne 't Gebroake Slôt. De oorsprong vân heerlikheid en dörp gaon truuk tot de vroege Middeliéwe en geschreve brônne euver de oorsprong ontbraeke. Me is dân ok op argiéjologisch werk aangeweeze, wât beejveurbiëld haet aangetoënd dât vuer de parochiekerk oét 1415 in Grubbevors al zeker zes andere kèrke hebbe gestaon.

De heerlikheid Grubbe woort in 1311 door Reinoud vân Gelder gekoch. In iërste instansie reikde ze vân Árse tot en met Venlo (toen nog en dörp). Grubbevors waar veur de helft in de hand vân de hiére vân Grubbe; dit deurde tot in 1755 de markies vân Gebrook ok de res vân 'dörp opkoch.

Nao 1815 woort Grubbevors en gemeinte, waor ok 't dörp Lottum beej huurde. In 1944 woort beej gevechte de kerk vân 't dörp verwoest, die de reste vân zes andere kerke (zeen baove) bloëtgelag. De huidige, achste, kerk stamt oët 1952 en woort ôntworpe door Alphons Boosten. In 2001 woort de gemeinte Grubbevors opgeheeve en beej Hors aan de Maas ingedeild.

In 2008 koom emes mit 't idee óm Grubbevórs eweg te doon óm d'n agrarische sector, mit name d'n haofboewindustrie, t'n goje te doon. 't Is nag neet dudelik of dit wuuertj oetgeveurdj.^[3]

1. ↑ Citeerfout: Ónzjuuste tag <ref>; d'r is gein teks opgegaeve veur refs mit de naam vt60
2. ↑ Citeerfout: Ónzjuuste tag <ref>; d'r is gein teks opgegaeve veur refs mit de naam vt71
3. ↑ Radio-oetzenjing L1