Gurkha

Dea Artikl do beschreibt s Voik; fir weidane Bedeitungen schau Gorkha (Begriffsklearung).

De Gurkha oda Gorkha san a Voik in Nepal (vor oim ausm Gorkha Distrikt) und in Indien (Nord West-Bengalen). Wejdweit bekannt san de Gurkha ois legendeare Soidotn vo da Britischn Armee worn. Dazua muass ogmeakt wean, dass heit nimma olle Gurkha-Soidotn vom Voik vo de Gurkha keman. Es wern aa andane nepalesische Voiksgruppm akzeptiat.

De Gurkha san zwischn 12. und 16. Joarhundat aus Indien ins Gebiet vom heitign Nepal eingwandat und hom im Lauf da Zeit des Gorkha-Firschtntum ibanumma (entspricht heit ebba am Distrikt Gorkha mit da Residenz in Gorkha). Vo do aus homs nacha im 18. Joarhundat ganz Nepal vaeint, des wo vorher aus dutzenden Firschtntima bestandn hod. Nepal hod aa bis 1930 Gorkha ghoassn.