Hamer

'n Hamer is 'n stuk gereedskap wat gebruik word om spykers in voorwerpe soos hout in te slaan. Dit het 'n lang steel aan die een kant waaraan vasgehou word, en 'n plat oppervlakte aan die ander kant waarmee die voorwerp getref word.

Hamers is gevaarlik en moet versigtig gehanteer word. As jy misslaan, kan jy jouself raakslaan en beseer. Jy kan byvoorbeeld jou vingers potblou slaan. Hamers is ook al as wapens gebruik.

Sommige hamers het 'n klou aan die agterkant waarmee spykers uitgetrek kan word. Die klou is 'n V-vormige groef waarom die spyker se kop gehak word. Die spyker word dan met 'n rolbeweging uitgedwing.^[1][2][3][4]

1. ↑ "hammer Meaning in the Cambridge English Dictionary". dictionary.cambridge.org (in Engels). Besoek op 9 Junie 2018.
2. ↑ "How hammer is made - material, making, history, used, components, structure, steps". madehow.com (in Engels). Besoek op 21 Augustus 2018.
3. ↑ Akins, Ricky (6 September 2018). "40 Different Types of Hammers and Their Uses". Garage tool advisor. Besoek op 29 Oktober 2018.
4. ↑ Calvin, William H. (2004). A Brief History of the Mind: From Apes to Intellect and Beyond. Oxford University Press. p. 47. ISBN 0-19-515907-1.