D Hut (gr. derma; lat. cutis) isch funkzionell s vilsitigste Organ vom menschlige oder dierische Organismus. D Hut gränzt s Innere vom Organismus vo dr Umgääbig ab (Hüllorgan), si bewaart d Homöostase (s innere Gliichgwicht), schützt vor Umwältiiflüss, und wird iigsetzt für zum sich representiere und zum kommuniziere. D Hut übernimmt au no wichdigi Funkzione im Beriich vom Stoffwäggsel und vo dr Immunologii und het verschidnigi Mechanisme zum sich aabasse.