Heksose

'n Heksose is 'n monosakkaried, 'n eenvoudige suiker, met ses koolstofatome C₆H₁₂O₆. Heksoses kan 'n ringstruktuur hê, maar dit kan ook in oopkettingvorm voorkom.

Heksoses speel 'n belangrike rol in die biochemie, die natuur en die landbou. Byvoorbeeld wyn-mos bevat sowel glukose as fruktose, altwee heksoses, en die verhouding tussen hierdie twee kan ongunstig raak om fermentasies te onderhou. Dit kan lei tot die verlies van wynproduksie en -kwaliteit.^[1]

Daar is twee tipes heksose:

1. Aldoheksoses — hulle het 'n aldehied-funksionele-groep (R-(C=O)-H) in posisie 1
2. Ketoheksoses — hulle het 'n ketoon-funksionele-groep (R'-(C=O)-R) in posisie 2

1. ↑ Mocke, Leanie (Maart 2013-03). Kinetic modelling of wine fermentations : why does yeast prefer glucose to fructose Proefskrif (MSc). Universiteit Stellenbosch.