Hemera

Hemera
Griekse oergodin
Hemera, deur William-Adolphe Bouguereau (1881)
Naam	Hemera
Godin van	Die dag
Man	Eter
Ouers	Erebos en Nyx
Broer	Eter
Kinders	Talassa
Romeinse eweknie	Dies

Hemera (Grieks: Ἡμέρα) was in die Griekse mitologie een van die eerste of oergode. Sy was die verpersoonliking van die dag en volgens Hesiodus die dogter van Erebos en Nyx (Nag).^[1] Hyginus sê egter in sy voorwoord tot die Fabulae dat Chaos haar vader/moeder was en Nyx haar suster.

Sy was die vroulike eweknie van haar broer en man, Eter (Lug), maar nie een van hulle kom dikwels voor in mites of kultusse nie. Volgens Hyginus is haar kinders Uranos, Gaia en Talassa, terwyl Hesiodus net Talassa noem. Volgens die Teogonie verlaat Hemera Tartaros net wanneer Nyx dit binnegaan, en omgekeerd^[2] (as simbool van die wisselwerking tussen dag en nag).

1. ↑ Hesiodus. Teogonie, 124-125.
2. ↑ Hesiodus. Theogonie, 744.