Historia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Historia ye una disciplina cientifica que tien como obchecto o estudio d'o pasau d'a humanidat basando-se en testimonios materials. Tamién se diz Historia a o relato de feitos pasatos que se consideran dignos de remerar por una sociedat determinata. A persona que fa d'o estudio d'a Historia a suya actividat se diz historiador.

A Historia naixió con l'aparición d'a escritura, o cual permitió a continidat d'os relatos por dencima de l'antiga tradición oral. Por ixo, a escritura marca a buega entre as ciencias d'a Historia y d'a Prehistoria, y se gosa clamar tamién Historia a o periodo dende l'aparición d'a escritura dica l'actualidat.