Holografie

Under Holografii (altgr. ὅλος holos „ganz“, „vollständig“ und -grafie) fasst mä Verfaare zämme, wo dr Wällecharakter vom Liecht usnütze, zum Darstellige z mache, wo über d Mööglikäite vo dr klassische Fotografii uusegöön. Näbe rüümlige Darstellige wärde holograafischi Verfaare immer mee au in dr Mässtechnik iigsetzt. Als Hologramm (altgr. γράμμα gramma „Gschribnigs“, „Botschaft“) bezäichnet mä e Foti, wo mit holografische Technike gmacht worden isch. Mä duet s Bild mit eme Liecht vo dr gliiche Art belüüchde, wie mä s bi dr Ufnaam brucht het, und bechunnt en ächt dreidimensionaals Bild vom Ursprungsgegestand. Wemm mä s aaluegt, gseet s us, wie wenn s Objekt frei im Ruum wurd schwääbe. Mä cha um s Bild umelaufe, und gseet denn s Objekt au vo sine andere Site und es entstoot dr Iidruck vom ene vollständig dreidimensionaale Ding, wemm mä s mit bäide Auge aaluegt.

Dr Begriff Holografii isch 1947 vom ungarische Forscher Dennis Gábor brägt worde, won e Wääg gsuecht het, zum s Elektroonemikroskop verbessere.