Homomorfismo

Na el algebra, un homomorfismo es un mapa, que ta preserva con el estructura, entre dos maga algebraico estructura del mismo tipo (como dos maga grupo, dos maga anillo o dos maga vectorial espacio). Ta proveni el termino homomorfismo del antiguo griego: ὁμός homós que ta significa "mismo", y μορφή morphḗ que ta significa "forma, figura". Sin embargo, aparentemente introducio el palabra na el matematica por un error de traduccion, del aleman ähnlich "similar" (cognao con el ingles alike) para ὁμός "mismo". Ya aparece el termino "homomorfismo" tan temprano como 1892, cuando atribuio este al aleman matematico si Felix Klein (1849–1925).

Tambien conocio el maga homomorfismo de maga vectorial espacio como maga lineal aplicacion, y el de suyo estudio es el tema del lineal algebra.

Generalizao el concepto del homomorfismo, bajo el nombre de morfismo, a manada otro estructura que (a) hinde ta tene con un subyacente conjunto, o (b) hinde algebraico. Este generalizacion es el punto de partida del teoria de maga categoria.

Un homomorfismo puede tambien un isomorfismo, un endomorfismo, un automorfismo, etc. (mira mas abajo). Cada uno de ellos definible na un manera generalizable a cualquier clase de maga morfismo.