Hoplita

Hoplita
profesión histórica (es)
soldáu
Parte de	hoplite phalanx (en)

Un hoplita yera un soldáu d'infantería pesada na antigua Grecia. El so nome vien de la pallabra hoplon , escudu.

La so armadura taba formada por una coraza metálica de bronce, que dempués pasó a facese de fierro, sobre un capacoru (capa, túnica) llixeru y curtiu, grebes (pieces de fierru que tapecíen les piernes dende les rodielles al tobiellu), un escudu redondu ( Clipeus o Hoplon ) y un cascu, como elementos defensivos; asina como una llanza, nomada dory y una espada (Xifos o Kopis) como armes d'ataque.

Yera parte de los diez reximientos que perfacíen l'exércitu, y lluchaben formando bloques compautos nomaos falanxes.

Los hoplites yeren ciudadanos de plenu drechu, con solvencia pa costiar y caltener la panoplia (coleición d'armes), sacante na falanxe espartana, na que l'estáu dába-yosles a los ciudadanos, a diferencia del restu de les ciudaes griegues. La llarga duración de la Guerra del Peloponesu, fizo dable la creación de la figura del hoplita, profesional y mercenariu a partir del sieglu V e.C..