Intrige

Intrige (vo lateinisch: intricare, „in Valegnheit bringa“) oda Hintalist (vaoitet aa Kabale), is de Bezeichnung fia a Vahoitnsstrategie, mit dea oanzlne oda Gruppm vo Menschn vasuacha, andan an Schodn zuazfign oda sie gengananda afzhetzn. Da Dräga vo dera Vahoitnsstrategie wead ois Intrigant bezeichnet. Im Boarischn nennt ma so an Vahoitnszug Hintafotzigkeit.

Da Intrigant vafoigt damit de hintalistige Duachsetzung vo vastecktn individuejn oda gruppmbezoganan Vortein.

De Intrige is mit da Kabale, z. B. im Drama Kabale und Liebe vom Friedrich Schiller vawandd. A Kabale bezeichnet a geheimes Einvastendnis vo Personen zu am besn Zweck oda am Oschlog.