Back Klitoris AF Klitoris ALS Clitoris AN بظر Arabic Clítoris AST Klitor AZ Клітар BE Ласкацень BE-X-OLD Клитор Bulgarian क्लाइटोरिस BH
| Itil | |
|---|---|
 An panlaog na anatomiya kan pantawong vulva, kaiba an clitoral hood asin labia minora na nakaindika bilang mga linya. An itil minalaba pa gikan sa nahihiling na porsyon pasiring sa sarong punto sa irarom kan publikong tulang. | |
 Lokasyon kan (1) clitoral hood asin (2) clitoral glans | |
| Mga detalye | |
| Prekursor | Genital tubercle |
| Artery | Dorsal artery of clitoris, deep artery of clitoris |
| Vein | Superficial dorsal veins of clitoris, deep dorsal vein of clitoris |
| Nerve | Dorsal nerve of clitoris |
| Identifiers | |
| Latin | Clitoris |
| MeSH | D002987 |
| TA98 | A09.2.02.001 |
| TA2 | 3565 |
| FMA | 9909 |
| Anatomikal na terminolohiya | |
An itil iyo an pambabaeng organong sekswal na presente sa mga mamalya, ostrich asin sa limitadong bilang nin ibang mga hayop. Sa mga tawo, an nahihiling na kabtang – iyo an glands – na manunuparan sa junction kan labia minora (panlaog na ngabil), sa itaas na pwerta kan urethra.Bakong siring kan putoy, na panlalaking katumbas kan itil, parating mayong pwerta kan urethra asin kun siring dai ginagamit para sa pag-ihi. Sa kadaklan na espesye, an itil mayong reproduktibong trabaho. Mantang an kadikit na mga hayop nag-iihi sa paagi kan itil o ginagamit ini sa magreprodusir, an spotted hyena igwa nin dakulang itil, nag-iihi, nakikipagdorog, nangangaki sa paagi kan itil. An ibang mga mamalya, siring kan lemur asin spider monkey, igwa nin dakulang itil.
An itil iyo an pinakamaselan na organo nin mga babae asin heneralmente iyo an anatomikal na ginikanan nin kaugmahan na sekswal nin mga babae. Sa mga tawo asin iba pang mga mamalya, nagde-develop ini gikan sa outgrowth kan embryo na inaapod na genital tubercle. An tubercle nag-dedevelop pasiring sa putoy o itil durante kan pagdevelop kan reproduktibong sistema depende sa exposure sa androgens (na kun saen ini an pangenot na panlalaking hormones). An itil sarong komplikadong estruktura, an saiyang sokol asin kaselanan posibleng manlaenlaen. An glans (payo) kan itil nin tawo iyo an haros kapareho na sokol sa tipasi asin ini kinakarkulo na igwa nin 8, 000, asin posibleng labi sa 10, 000 na sensory nerve endings.
Sa seksolohikal, medikal, asin sikolohikal na debate nakasentro sa itil, asin ini an nagin tema sa social constructionist analyses asin pag-aadal.