Jerusalemskogen

Jerusalemskogen
skog
Jerusalemskogen frå Yad Vashem
Land	Israel
Distrikt	Jerusalem distrikt
By	Jerusalem
Koordinatar	31°46′19″N 35°09′56″E / 31.7719°N 35.1656°E / 31.7719; 35.1656
Jerusalemskogen 31°46′19″N 35°09′56″E / 31.7719°N 35.1656°E / 31.7719; 35.1656
Kart som viser Jerusalemskogen.
Wikimedia Commons: Jerusalem Forest

Jerusalemskogen er ein furuskog som ligg i Judeafjella vest for Jerusalem. Han er omgjeven av bydelane Beit HaKerem, Yefe Nof, Ein Kerem, Har Nof, Givat Shaul, og ein moshav, Beit Zeit. Skogen vart planta frå 1950-åra av Jewish National Fund,^[1] finansiert av private gjevarar.

Tidlegare låg det fleire palestinske landsbyar her: Ayn Karim, Beit Mazmil, Zuba, Sataf, Jura, Beit Umm Al-Meis og Deir Yassin.^[2] Deir Yassin vart utsletta av sionistiske militsar den 9. april 1948 i ei hending kjend som Deir Yassin-massakren.^[3]

På sitt største dekte skogen over 4 kvadratkilometer. Dei siste åra har skogen minka på grunn av byutbygging og dekkjer i dag berre 1,2 kvadratkilometer. Yad Vashem museum ligg i skogen nær Herzlfjellet. Midt i skogen, mellom Yad Vashem og Ein Kerem, ligg eit fritidssenter, Chaim Tzippori gjestehus, med eit ungdomsherberge.

Av dyreliv i skogen finst ein flokk sjakalar.

1. ↑ Liat Berdugo (januar 2020). «A Situation: A Tree in Palestine». 
2. ↑ Kestler-D'Amours, Jillian, «Bulldozers flatten Bedouin village 49 times», Al Jazeera (på engelsk), henta 29. januar 2024 
3. ↑ «Israel to build 2,300 ultra-Orthodox houses on site of Deir Yassin massacre». middleeastmonitor.com. 29. november 2018.