Judikative

Dr Rächtsbegriff vo dr Judikative (lat.: iudicare, „Rächt spräche“) bezäichnet die „richterligi Gwalt“ im Staat. In dr klassische dreigliidrige Gwaltedäilig isch d Judikative näbe dr Legislative (s Parlamänt as gsetzgääbendi Gwalt), dr Exekutive (d Regierig und die öffentligi Verwaltig as vollziejendi Gwalt) äini vo de drei Staatsgwalte.

In Rächtsstaate isch d Judikative in de Händ vo unabhängige Richter. D Rächtssprächig isch an Gsetz und Rächt bunde. D Unabhängigkäit vo dr Justiz isch zum Däil in positive Rächt verankeret (so zum Bischbil für die schwizerischi Milidäärjustiz im Art. 1 vom Milidäärstroofprozäss).

Dr Begriff Judikative isch nit s gliiche wie d Begriff vo dr Grichtsbarkäit, dr Justiz oder dr Rächtspflääg, wo staatsrächtlig zum Däil au vo dr vollziejende Gwalt, dr Exekutive, usgüebt wärde.