Jugoslawien

Jugoslawien is vo 1918/1929 bis 2003/2006 a Stoot in Mittl- und Sidosteuropa in untaschiedlicha territoriala und politischa Form gwesn. Slowenien, Krowozien, Bosnien-Herzegowina, Montenegro, Serbien, Kosovo und Mazedonien hobm dazuaghert.

Zu untascheidn san s sognannte easchte Jugoslawien (1918–1941/1944), des 1918 ois Kenigreich vo de Serbm, Kroatn und Slowenen grindt und 1929 offiziell in Königreich Jugoslawien umbnennt worn is, s sognannte zwoate Jugoslawien (1943/1945–1991/1992), des offiziell Demokratischs Föderativs Jugoslawien (1944/1945), Föderative Volksrepublik Jugoslawien (1945–1963) und Sozialistische Föderative Republik Jugoslawien (ab 1963) ghoaßn hot, und schliaßlich de Bundesrepublik Jugoslawien (1992–2003).

Vo 2003 bis 2006 hobm nachad no de Teilrepublikn Serbien und Montenegro an Bundesstaat Serbien und Montenegro buidt, da si im territorialn Umfang vo da Bundesrepublik Jugoslawien net untaschiedn hot.