Kamikaze

Kiyoshi Ogawa (left), 22, and Seizō Yasunori, 21, si mga pilotong tuyong ibinagsak mga eroplano ninda sa Bunker Hill

An Kamikaze (神風, pigsasayod na [kamiꜜkaze]; "langitnon na duros" o "espiritu duros"), inaapod opisyalmente na Shinpū Tokubetsu Kōgekitai (神風特別攻撃隊, "Divine Wind Special Attack Unit"), parte kan inapod na Japanese Special Attack Units binibilog nin mga pilotong militar na napalupad nin mga pan'atakeng eroplano na sayod na ilinalagpak sa mga bapor kan kaiwal tuyong paghugot para sa onra kan Imperyo nin Hapon. Ini nangyari kan naghihinapos na an kampanya asin desperado na an Hapon ta tagilid na an kamugtakan kaini sa Ikaduwang Gerang Pankinaban. Ini estratihiya kan mga Hapon sa pagtubod mas labi-labi an danyos magigibo ninda sa mga boke de gera kan Alyado. Mga 3,800 na kamikazeng piloto an nagkagaradan durante kan gera, asin sobra sa 7,000 na personahe naval an naputlan-buhay sa mga atakeng kamikaze.^[2]

1. ↑ Bunker Hill CV-17, NavSource Online: Aircraft Carrier Photo Archive
2. ↑ Zaloga, Steve (21 June 2011). Kamikaze: Japanese Special Attack Weapons 1944–45. New Vanguard. Osprey Publishing. p. 12. ISBN 9781849083539.