Kamuflado

Kamuflado estas la ago, per kiu organismoj sin kaŝas havigante al si aspekton, kiu similas la fonon.

Kamuflaĵo estas objekto, per kiu oni kamuflas. Multaj specioj havas kamuflan haŭton aŭ hararon pro evoluado, ĉar kamuflado multe helpas al individuoj esti nek trafita nek mortigita. Kelke da specioj povas ŝanĝi siajn kolorojn per specialaj ĉeloj, kiuj enhavas moveblajn pigmentojn nomatajn kromatoforoj. Homoj uzas kamuflajn vestojn, ekzemple en militoj aŭ en ĉasado.

Soldatoj uzas specialan kamuflan uniformon kaj kamuflan tukegon aŭ kamuflan reton, per kiu ili povas kovri tankon aŭ kirasitan aŭtomobilon, por ke ĝi ne estu facile videbla en arbara medio.