Back Karpate AF Carpatos AN كاربات Arabic كاربات ARZ Montes Cárpatos AST Karpat AZ Карпат тауҙары BA Karpatn BAR Карпаты BE Карпаты BE-X-OLD
| D Gliiderig vo de Karpaate: 1 Die üssere Westkarpaate 2 Die innere Westkarpaate 3 Die üssere Ostkarpaate 4 Die innere Ostkarpaate 5 D Südkarpaate 6 Die rumäänische Westkarpaate 7 S Siibebürgische Becki 8 Die serbische Karpaate | Flüss: a Wäiggsel b Donau c Thäiss d Save e Dnister f Pruth |
D Karpaate (tschechisch, polnisch und kroatisch Karpaty, Ukrainisch Карпати, rumänisch Carpați, ungarisch Kárpátok, serbisch Карпати/Karpati) si e Hoochgebirg in Middelöiropa, Ostöiropa und Südostöiropa. Si bilde e Booge, wo gegen e Weste offe und mee as 1300 km lang und 100–350 km bräit isch, zämme mit sine Uslöifer. Si fange am nördlige Rand vom Wiener Becki aa und hööre bi de Flussdääler vo Morava, Nišava und Timok im Osten vo Zentralserbie uf. D Karpaate bilde dr nördligst Uslöifer vom alpiidische Gebirgsgürtel. As Däil vo däm Faltegürtel gönge si uf Weste bis zu de Alpe und uf Südoste bis zum Balkan- und Rhodoopegebirg witer, wääred s Dinariide und d Apennine südwestlig versetzt si und fast paralleel zu de Ostkarpaate verlaufe.
S höggste Massiiv vo de Karpaate isch die Hoochi Tatra (mit em Gerlachovský štít, 2.655 m n.m., und isch dr höggst Bärg in dr Slowakei). Denn chunnt s Făgăraș-Massiiv (Fogarascher Gebirg) in de Südkarpaate (mit em Moldoveanu-Spitz, 2544 m, em höööste Bärg vo Rumäänie). Näbe de Alpe bilde d Karpaate s bestimmendi Gebirgssüsteem in Middelöiropa.
D Karpaate lige in acht Staate, zum grösste Däil in dr Slowakei und Rumäänie.