Back Kartograaf AF رسام الخرائط Arabic رسام خرايط ARZ Kartograf Danish Kartograf German Cartographer English Kartografo EO Cartógrafo Spanish Kartograaf ET Kartograf NB
Kartograph ass déi allgemeng Beruffsbezeechnung fir Fachleit, déi sech mat der Produktioun vu Kaarten an aneren Aufgabe vun der Kartographie befaassen. Dobäi erfaassen an interpretéiere si besonnesch Daten an Informatiounen déi sech op de Raum bezéien: den Terrain ("Topographie"), digital Geodaten an aner Geoinformatiounen. Dës Date gi beaarbecht mat dem Zil, Kaarten oder kaartenähnlech Produkter ze produzéieren. An dësem allgemengen, och historesch gewuessene Sënn ginn Ingenieure, Wëssenschaftler an Techniker gläichermoossen als Kartographe bezeechent wa se an der Kartographie aktiv sinn.
De Beruff vum Kartograph ass thematesch verwuess mat de Fachgebidder Geodesie, Geographie, Photogrammetrie, souwéi der Geoinformatik, Geomatik, Informatik, Graphik an dem Design.