Kazuaredoj

Kazuaredoj
Casuarius casuarius
Biologia klasado
Regno: Bestoj Animalia Filumo: Ĥorduloj Chordata Klaso: Birdoj Aves Subklaso: Neornithes Ordo: Strutoformaj Struthioniformes Familio: Kazuaredoj Casuariidae Kaup, 1847
Genroj
Kazuaro Casuarius Por fosiliaj formoj, vidu artikolon
Aliaj Vikimediaj projektoj
Sistematiko en Vikispecioj
Komunejo pri Kazuaredoj
v • d • r

La kazuaredoj (Casuariidae) estas birdofamilio kiu estas endemia en la Aŭstralazia ekozono. La familio enhavas unu genron : Kazuaro (Casuarius) kiu nombras tri speciojn, nome la jenaj:

• Suda kazuaro Casuarius casuarius
• Norda kazuaro Casuarius unappendiculatus
• Nana kazuaro Casuarius bennetti

Ĉiuj estas neflugaj birdoj, loĝantaj en pluvarbaroj de norda Aŭstralio, Novgvineo kaj apudaj insuloj.

Ili manĝas ĉion: ĉefe fruktojn, sed ankaŭ fungojn, helikojn, insektojn, ranojn, serpentojn kaj ĉiajn bestetojn, pro kio ili estas veraj ĉiomanĝantoj.

Ili havas ostan kaskon surkape uzebla por serĉado inter arbustoj kaj herbo, do la ununura armita birdo. Krome ili havas longajn kaj danĝerajn krifojn (ĝis 12 cm). Ili rapidkuras (ĝis 50 km/h) kaj saltas ĝis 1.5 m. Ili ankaŭ estas bonaj naĝantoj.

En Nov-Gvineo la loĝantaro ofte bredas kazuaridojn el rabitaj ovoj, kvankam el tio povas rezulti vera danĝero. La kazuaroj povas ataki en tiu nenatura medio (ĉefe vunditaj aŭ minacataj ĉu de homoj ĉu de hundoj) kaj grave vundegi aŭ eĉ mortigi homojn.