Kirlo

Por la vektora operatoro «kirlo» vidu artikolon Kirlo (matematiko).

Kirlo, estas rapida rondoturno de fluido (ekz. akvo aŭ aero).

Ekzistas pluraj formoj de kirloj depende de la movanta fluaĵo; ekzemple akvokirlo aŭ ventokirlo. Ventokirlego aŭ kirloventego estas ciklono kaj povas okazigi tornadojn, uraganojn kaj tajfunojn. Vortico estas ankaŭ kirlaĵo de fluaĵo.

Krome, aliaj eroj povas kirliĝi, ekz. neĝeroj, polvo aŭ folioj en la aero. Figursence povas ankaŭ pensoj kirliĝi en cerbo, ktp.

Kuirarte oni povas kirli likvaĵojn: ovojn, kremon, ... Foje tiel naskiĝas ŝaŭmo. La ilo por kirlado estas la kirlilo, kaj ĝi povas esti aŭ maŝino aŭ speciala kulero. Kirlilo estas precipe uzata por la bakado de kukoj, ĉar ofte oni bezonas kirlitajn ovojn.