Back Anatolië AF አናቶሊያ AM Peninsula d'Anatolia AN Læsse Asia ANG Anatolia ANN الأناضول Arabic ܐܢܛܘܠܝܐ ARC اسيا الصغرى ARZ Anatolia AST Kiçik Asiya AZ
Chläiasie (latiin. Asia minor, altgriech. Μικρά Ἀσία, Mikrá Asía) oder Anatolie (von altgr. ἀνατολή, anatolē ,Oste‘; türkisch Anadolu; osmanisch اناطولی) isch e dä Däil vo dr hütige Türkei, wo zu Vorderasie ghöört. Chliiasie isch historisch för d Menschhaitsgschicht zimmli wichtig. Do hett di neolithischi Revoluzio stattgfunde, wo de Mentsch sesshaft woren isch und afange hett Städt baue, wa groossi Verändrige au i de Kultur und im Denke biwörkt het. Dör di ganz historischi Zitt bis i d Moderni isch Chliiasie d Brugg zwöschet Syrie und Mesopotamie im Oste und Europa im Weste gsii. Im antike Milet, e Stadt a de Westchüste vo Cliiasie, isch di ionische Naturphilosophii entstande und drususe di antiki Philosophii, wo bis hütt no s westliche Denke prägt. Au s Christetum hett sich, wenn au z Palästina entstande, vor alem z Syrie und z Anatolie as e Volksreligioo entwicklet und do sind au politischi Entschaid trooffe wore, weli christliche Aasichte richtig sind.