Komanwel

Komanwel nopo nga mantad istilah Boros Inggeris tradisional "commonwealth" montok komuniti politik i tinuridong montok kounalan oinsanan. Tumanud sajara, sumonu sinonim ii miampai "Republik". Boros ngaran "commonwealth", i kirati "kotundunan toi ko' komilaan poinggonop" mantad abad ko-15. I nopo pogulu frasa (kaharaan poinggonop [common-wealth]") nopo nga mantad rati laid wealth, i misondikot miampai "kotoronongon", om ii nogi nga kodolinan oluau Bahasa Latin res publica (republik). Miampai harfiah, istilah nopo diti nga kirati "kotoronongon umum". Ontok abad ko-17, nokoburu o takrif "komanwel" mantad "kotundunan awam" kumaa "woyo hinonggo kuasa takawas poingiliu id layat; pogun republik toi ko' demokratik".

Nokoburu o istilah diti sinumiliu ngaran montok piipiro entiti politik. Tolu pogun – Australia, Bahamas, om Dominica- momoguno ngaran nokoimagon "Komanwel", miagal nogi do apat pogun A.S. om duo wilayah A.S.. Kawawagu diti, gunoon istilah diti montok momungaran piipiro koisaan persaudaraan bansa, loolobi Komanwel Bangsa-Bangsa, iso organisasi loolobi mantad bagas wilayah Empayar British, i koinsoruan lohowon sabaagi "Komanwel" no.