Kontzilio

Kontzilioa (latinez concilium, "kontseilua"), sinodoa (grezieraz σύνοδος, synodos, "batzarra") edo elizbatzarra kristau-elizgizon eta beste erlijio-ordezkariren batzarra da, doktrinari buruz eztabaidatu eta erabakiak hartzeko biltzen dena.

Bost kontzilio mota daude, bi kategoria nagusitan banatuak:

• Kontzilio ekumenikoak edo orokorrak: Elizaren apezpiku guztiek parte hartzen duten biltzarra
• Kontzilio partikularrak: apezpiku batzuk baizik parte hartzen ez dutenak. Hauek lau motakoak izan daitezke:
  • Nazio kontzilioak edo osokoak: estatu/nazio bateko apezpikuek osatua
  • Eskualdeko kontzilioak (hauek ere osokoak): eskualde eklesiastiko bateko probintzietako apezpikuek osatua
  • Probintziako kontzilioak: probintzia eklesiastiko bateko apezpikuek osatua, metropolitar apezpiku batek deitua
  • Elizbarrutiko sinodoa: apezpiku batek deitua