Kubera

De Kubera oder Kuvera (Sanskrit: कुबेर, Kuvera m.) isch im Hinduismus de Gott vom Riichtum und de Welthüeter (lokapāla) vom Noorde.

Vo Giburt uuf ghört de Kubera zu de Dämoone, denn sin Vatter isch de Vishravas, werum er selber au Vaishravana gnennt werd. De bösi Dämon Ravana, wo öber Lanka gherrscht het und d Sita graubt het, isch siin Halbbrüeder. Nochdem de Kubera tuusig Joor asketisch glebt gha het, het en de Brahma as Biloonig zum Welthüeter vom Noorde igsetzt und en zum Gott vo de Riichtümer gmacht. De Kuvera wont im Noorde ide Stadt Alaka im Himalaya. Dargstellt werd er mit drai Bai und drai Chöpf, aber er het nu acht Zee und isch aioigig.