Kumite

El Kumite (xaponés 組手, llit. “alcuentru de manes”) ye, xunto col Kihon y el Kata, ún de los componentes del entrenamientu del Kárate^[1]; en xeneral el términu pue tornase a combate, masque nel kárate modernu ye una forma de competición y una parte más del entrenamientu, dividiéndose en delles modalidaes con fines pedagóxicos. Tampoco nun foi siempre parte de les clases, porque antiguamente los maestros atalantaben que yera arriesgáu prauticalu ensin qu'hubiera un peligru real pa la vida o la integridá física del karateca.

En xeneral esisten tres tipos d'entrenamientu del combate: jyu kumite (自由組手), o combate llibre controláu; shiai kumite (試合組手), combate de competición, semillibre, con más o menos control de los golpes dependiendo del reglamentu; y yakusoku kumite (約束組手), combate combináu.

1. ↑ http://www.aikido-judo-karate.com/karate/karate-kumite-techniques Archiváu 2014-12-07 en Wayback Machine "Karate Kumite Techniques"