Kwantum

Sa pisika, an kwantum (Ingles: quantum; darakulan: quanta) iyo an pinakasadit na bilang nin maski anong pisikal na entidad (pisikal na karakter) na kaiba sa sarong interaksyon. An pundamental na nosyon na an pisikal na karakter pwedeng "ma-kwantisa" iyo pigsasambot bilang "an hipotesis kan kwantisasyon".^[1] Boot-sabihon kaini na an magnitudo kan pisikal na karakter pwedeng magkua sana nin diskretong bilang na pigbibilog nin mga multipleng integer kan sarong kwantum.

Halimbawa, an photon iyo sarong kwantum nin liwanag (o nin maski anong ibang porma nin elektromagnetikong radiasyon). Sa kaparehas, an enerhiya kan elektron na katakod sa atomo iyo na-kwantisa asin pwedeng magpirmi sana sa pirang mga diskretong bilang. (An mga atomo asin materya iyo pusog huli ta an mga elektron nabubuhay sana sa diskretong enerhiyang lebel sa laog kan atomo.) An kwantisasyon (quantization) iyo saro sa mga pundasyon kan mas mahiwas na pisika nin mekanikang kwantum (quantum mechanics). An kwantisasyon kan enerhiya asin an impluwensya kaini sa kun paano an interaksyon kan enerhiya asin materya (elektrodinamikang kwantum) iyo parte kan pundasyon para sa pag-intindi asin pagpapaliwang kan kapalibotan.

1. ↑ Wiener, N. (1966). Differential Space, Quantum Systems, and Prediction. Cambridge: The Massachusetts Institute of Technology Press