Langue

Ntâ linguìstica, cô tèrmini francisi langue , cuniatu da lu patri dâ linguìstica muderna Ferdinand De Saussure, s'ìnnica l'inzemi di cunuscenzi mintali, di rèuli intiriurizzati insiti ntô còdici lingua, ca custituisciunu la capacitati di prudurri missàggi e sunnu pussiduti comu sapiri astrattu ntâ stissa misura da tutti li membri di na cumunitati linguìstica.
L'attu linguìsticu individuali, la rializzazzioni cuncreta dâ cumpitenza nveci pigghia lu nomi di parole, n'àutra palora francisi.
Quinni la lingua comu langue si manifesta riarmenti ntâ l'ispirienza fattuali dô parranti, pirtantu nta la sò parole.
Nu linguista è chiaramenti nterissatu a studiari e svilari la langue, ma ppì fàrilu iddu ha pàrtiri dâ parole, ca furnisci li dati ussirvabbili da li quali appoi arricavari li legghi dâ lingua.

La tirminuluggìa di la dicutumìa cumpitenza ed isicuzzioni apparteni quinni a Ferdinand De Saussure.
Ma ppì spigari li stissi cuncetti asistunu àutri tèrmini:
cumpitenza e isicuzzioni, di l'illustri patri dâ gramàtica ginirativa Noam Chomsky, unni la cumpitenza fussi la langue, mentri l'isicuzzioni la parole.
E sistema e usu, cuniati da lu cchiù mpurtanti rapprisintanti da scola strutturalista Louis Hjelmsley, unni lu sistema cuincidi ccù la langue e la cumpitenza, mentri l'usu, ccù la parole e l'isicuzzioni.