An Chabudai (卓袱台 or 茶袱台 o 茶部台) na pwedeng katumbas kan inaapod sa Bikol na latok[1][2]) sarong lamesang hababa sana, haralipot an mga bitis, tradisyonal na gamit kan mga Hapon. An orihinal na chabudai may langkaw na 15 sentimetro abot kalangkawi 30 sentimetro.[3] An makarakan sa chabudai natukaw sa inaapod na zabuton o tatami imbes sa tunay na tukawan. An chabudai parati turu-tiklop an mga bitis ngani madaling sarayon sa gilid.
An chabudai ginagamit sa iba-ibang katuyohan, arog kan pwedeng adalan, pagtrabaho na ini pada'tolan, o kakanan (shokutaku (食卓、しょくたく)). Sa panahon nin imbyerno, an chabudai sinasaray asin parati riniribayan kan lamesang inaapod na kotatsu, sarong klaseng lamesa haralipot man mga bitis, hale-hale an ibabaw asin igwang painitan sa irarom na masirbe sa pagpainit kan mga malipot nang kakanon.
- ↑ latok.Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 214. ISBN 978-971-95468-0-1
- ↑ latok. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 702 ISBN 0 9580383 5 X
- ↑ Hiroshi Ogawa (ed.). "The Origins and Transition of O-zen" (PDF). Supporting Roles in Food Culture II. Archived from the original (PDF) on 2013-12-28. Retrieved 2021-12-14.