Lavador

Un lavador^[1] u lavavaixillero^[2] ye un electrodomestico especializato en a limpieza d'as restas d'o minchar d'os vaixiellos, vasos y atras ainas de cocina. Ye d'uso habitual tanto en establimientos publicos como domicilios particulars.

Os lavadors fan servir a circulación de l'augua a una alta temperatura (entre 55 y 65 graus) y deterchents muit cerenyos (con gran contenito de calso que no se fa aconsellable ta o contacto dreito con a piel humana) ta conseguir a limpieza d'os vaixiellos y vasos que bi ha en o suyo interior. O lavador basicament prochecta augua con fuerza enta os vaixiellos, primero con deterchent y dimpués, mientres o ciclo d'ixaguato, augua sola. Muitos modelos tamién fan servir corrients d'aire calient ta accelerar o proceso d'ixugato.

A disposición habitual d'o lavador ye formata por cuantas serviellas que se pueden meter y quitar y a on se distribuyen os elementos a limpiar.

Fue inventato por a inventora estausunidense Josephine Cochrane en 1886.^[3]

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (ca) "Les vuit llengües de la península Ibèrica". Guillerm Belmar i Viernes. Ed. Malhivern. Abril de 2011. ISBN 978-84-937746-4-6
3. ↑ (en) Josephine Cochrane. Cal Poly Pomona.