Leedsichthys

Leedsichthys Rango fósil: Calloviense/Kimmeridgiense - Xurásico
Un Leedsichthys de doce metros de longo comparado cun ser humano.
Clasificación científica
Reino: Animalia Filo: Chordata Clase: Actinopterygii Orde: †Pachycormiformes[1] Familia: †Pachycormidae Xénero: †Leedsichthys Especie: †L. problematicus
Nome binomial
Leedsichthys problematicus Woodward, 1889

Leedsichthys é un xénero extinto de Pachycormidae, unha familia de peixes óseos do Mesozoico, que viviu nos océanos do período Xurásico medio.^[2]

Os primeiros restos de Leedsichthys foron identificados no século XIX. Especialmente importantes foron os achados realizados polo coleccionista británico Alfred Leeds, do cal deriva o nome do xénero ("peixe de Leeds") en 1889. A especie tipo é Leedsichthys problematicus. Os fósiles de Leedsichthys atopáronse en Inglaterra, Francia, Alemaña e Chile. Os restos chilenos, descubertos en 1999, foron a base para describir unha segunda especie, Leedsichthys notocetes, pero máis tarde mostrouse que esta era indistinguible de L. problematicus.

Xunto cos seus parentes próximos, os paquicórmidos Bonnerichthys e Rhinconichthys, Leedsichthys forma parte dunha liñaxe de grandes peixes filtradores que nadaron nos mares do Mesozoico por preto de 100 millóns de anos, dende o Xurásico Medio até o final do período Cretáceo. Os paquicórmidos poden representar unha póla temperá dos Teleostei, o grupo ó cal pertencen a maioría dos peixes óseos; nese caso Leedsichthys é o maior peixe teleósteo coñecido.

1. ↑ Wiley. "Phylum Chordata" (PDF). p. 100. Consultado o 11 de abril de 2009. 
2. ↑ Liston, 2004