Lemo

Lemo estas en matematiko teoremo helpa, kies ĉefa apliko estas simpligo de pruvoj de aliaj pli gravaj teoremoj. Formale tamen ĉiu lemo estas plenrajta teoremo kaj kvalifiko de ia teoremo kiel lemo rezultas nur el maniero de ĝia uzo en alia pli vasta kunteksto. Kelkfoje okazis, ke lemo gajnis por si multe pli grandan signifon ol la origine intencita, trovante pli vastan aplikon kaj iĝante memstara teoremo, kies karakterizo kiel lemo rezultas nur dank' al historiaj kondiĉoj kaj restas nur pro respekto al tradicio.

Al teoremoj tradicie nomataj lemoj apartenas i.a.:

• lemo de Booth
• lemo de Ogden
• lemo de König
• lemo de Lindenbaum
• lemo de Riemann-Lebesgue
• lemo de Kuratowski-Zorn
• lemo pri pumpigo por lingvoj senkuntekstaj
• lemo pri pumpigo por lingvoj regulaj
• lemoj de Borel-Cantelli
• lemo de Henri Poincaré
• lemo de Zassenhaus