Lenong

Lenong (bahaso Betawi: لينوڠ lènong) adolah seni drama tradisional atau sandiwara rakyat Betawi nan dibawok dalam bahaso Betawi nan barasa dari Jakarta, Indonesia.^[1] Seni tradisional iko disampeknyo jo musik gambang kromong jo alaik musik sarupo gambang, kromong, gong, gandang, kèmpor, suliang, jo kecrek, sarato alaik musik unsur Tionghoa sarupo tèhyan, kongahyan, jo sukong. Lakon atau skenario lenong biasonyo manyampaikan pasan moral, iyolah mambantu urang nan lamah, mambanci karusakannyo, jo karajo-karajo nan indak elok. Bahaso nan dipakai dalam lenong adolah bahaso Betawi.

Ado duo jinih lenong, yaitu lènong dènes jo lènong préman. Lènong dènes itu mancaritakan kahiduikan urang-urang rasmi, sarupo carito-carito rajo jo bangsawan. Kalau lènong préman itu mancaritakan kahiduikan urang-urang biaso, sarupo caritonyo si Pitung nan takana sabagai "Robin Hood"-nyo urang Batawi. Bahaso nan dipakai juo indak samo. Bahaso nan dipakai di lènong dènes itu adolah bahaso Malayu Tinggi nan bacampua jo bahaso Batawi, sadang lènong préman mamakai bahaso Batawi rakyat.

1. ↑ "Lenong". Ensiklopedi Jakarta: Budaya dan Warisan Sejarah (dalam bahasa Indonesia). Jakarta.go.id. Diarsipkan dari versi asli tanggal 2013-10-13. Diakses tanggal 14 May 2012.