Lipide

Lipid (vo griechisch λίπος lípos „Fett“, Bedoonig uf dr zwäite Silbe: Lipid) isch e Sammelbezäichnig für Naturstoff, wo ganz oder mindestens zum grösste Däil wasserunlöslig si (hydrofob) und wo sich wäge iirer chliine Polaridäät seer guet in hydrofobe (oder lipofile) Löösigsmiddel wie Hexan lööse. Ass si in Wasser nid lööslig si, chunnt vor allem vo de lange Choolewasserstoff-Räst, wo fast alli Lipid häi. Mä däilt sä grob in versäifbari und nit versäifbari Lipid ii.^[1]

In lääbige Organisme wärde Lipid hauptsächlig as Strukturkomponänte in Zällmembrane, as Energiispiicher oder als Signalmolekül brucht. Die mäiste biologische Lipid si amfifil, d. h. si häi e lipofile Choolewasserstoff-Räst und e polari hüdrofili Chopfgrubbe. Dorum bilde si in polare Löösigsmiddel wie Wasser Micelle oder Membran. Vilmol wird dr Begriff „Fett“ as Sünonüüm für Lipid brucht, aber d Fett (Triglyceride) si nume en Undergrubbe von ene.

D Lipid chönne in siibe Grubbe iidäilt wärde: Fettsüüre, Triacylglycerid (Fett und fetti Ööl), Waggs, Fosfolipid, Sfingolipid, Lipopolysaccharid und Isoprenoid (Steroid, Carotinoid etc.)

1. ↑ Eintrag: lipids. In: IUPAC Compendium of Chemical Terminology (the “Gold Book”). doi:10.1351/goldbook.L03571 (Version: 2.1.5). Fehler in Vorlage:Literatur – *** Pflichtparameter fehlt: Originaltitel fehlt