Llabiu

Los llabios (sing. Llabiu o Bezu) son l'entamu del aparatu dixestivu y l'apertura esterior de la boca. Presenten una porción muscular central, de músculu esqueléticu, arrodiada per fuera por piel y per dientro por una mucosa.

La porción muscular central correspuende a músculu estriáu voluntariu, recubiertu pela so parte esterna por piel, constituyida por epidermis, dermis ya hipodermis, y pela so parte interior por una mucosa, constituyida por un epiteliu de revestimientu, una llámina propia y una submucosa.

El llabiu ye un repliegue musculocutaneu membranosu. Pa estremar nun corte la piel de la mucosa han visualizase los folículos pilosos. Amás l'epiteliu de la mucosa ye más altu.

Les glándules salivales que componen la mucosa de los llabios son mistes tubuloacinoses.

La mancadura llabial sangra muncho, pola mor d'una abonda irrigación principalmente venosa, con presencia d'anastomosis arteriovenoses.

La zona'l borde llibre llabial pierde gradualmente la cornificación, y ye una zona de transición única del llabiu.