Loutroforos

Ul loutroforos (henc'hresianeg : λουτροφόρος loutofóros, eus λουτρόν loutrón "kouronk" ha φέρω féro "dougen") zo ur seurt lestr pri-poazh henc'hresian dibar gouzouget-hir ha div skouarn outañ. Implijet e veze al loutroforosoù da zerc'hel dour evit gwalc'hiñ ur plac'h-nevez kent he eured, ha da-geñver al lidoù kañv. Lakaet e vezent ivez e bezioù ar maouezed dizimez^[1].

Tres al loutroforosoù a veze arveret ivez er mein-bez en Henc'hres, kizellet e bos ouzh ur maen-koun, evel hini ar prederour Panaítios (Παναίτιος ; ~185 kJK – ~110 kJK), pe evit stummañ ar maen-bez end-eeun.

1. ↑ Richter, 1928, p. 57.
2. ↑ Prederour.
3. ↑ Istorour.