MSX

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

MSX ye un estandar de ordinador domestico de 8 bits comercializau entre as anyadas de 1980 y en primerías d'as anyadas de 1990. Estió definiu por Kazuhiko Nishi y presentau por Microsoft y ASCII Corporation o 27 de chunio de 1983 en Chapón, an se convirtió en un d'os dominadors d'o mercau domestico, por dezaga d'o FM-7, o NEC PC-8801, o Sharp X1 y atros.

Tenió amás exito en Europa (Espanya, Francia y Países Baixos), Brasil, Chile, Argentina, Cuba y a Unión Sovietica, en istos zaguers países estioron mercaus por as autoridaz educativas milars d'unidaz pa equipar escuelas.

Estió un intento d'unir baixo un mesmo estandar a toz os fabricants. Beluns d'os mas destacaus estioron Canon, Casio, Panasonic, Philips, Sony, Toshiba y Yamaha.

Manimenos MSX nunca plegó a estar o estandar global que os suyos creyadors preveyioron, prencipalment porque mai se conquirió Estaus Unius (o prencipal mercau mundial alavez) ni a mayor parti d'Europa.