Maar

In maar is yn Grinslân en East-Fryslân de namme foar in wetterrin. Dy namme is besibbe oan de Fryske mear. Maren binne meast smelle, ûndjippe, natuerlike, soms ek net-natuerlike streamkes (fearten of sleaten) dy't al iuwenlang besteane. Sy komme it meast foar yn de Grinslanner goaen Hunsingo en Fivelingo en yn de Krummhörn.

In stikmannich foarbylden:

• it Abbemaar
• it Bierumermaar
• it Biessumermaar
• it Eenumermaar
• it Kardingermaar
• it Lellenstermaar
• it Lustigemaar
• it Pieterbuurstermaar
• it Potmaar
• it Sauwerdermaar
• it Sint-Nicolaasmaar
• it Stedumermaar
• it Uitwierdermaar
• it Warffumermaar
• it Westerwijtwerdermaar

By wetterskip Noardersylfest binne mear as 100 wetters dy't de útgong "-maar" hawwe. Lytse wetters wurde meast oantsjut mei tocht. Yn it easten fan Grinslân wurdt faak praat fan diep(je) en watering.