Back Macbeth AF مكبث (مسرحية) Arabic Макбет Bulgarian ম্যাকবেথ Bengali/Bangla Macbeth BR Macbeth BS Macbeth Catalan Macbeth Czech Macbeth (drama) CY Macbeth Danish
Macbeth (títulu completu n'inglés, The Tragedy of Macbeth, "La traxedia de Macbeth") ye una traxedia de William Shakespeare, que se cree que foi representada per vegada primera en 1606.[1] Dramatiza los dañibles efeutos, físicos y psicolóxicos, de l'ambición política, naquellos que busquen el poder por sigo mesmu. De toles obres que Shakespeare escribió mientres el reináu de Xacobu I, quien yera patrón de la compañía teatral de Shakespeare, Macbeth ye la que más claramente cavilga sobre la rellación del dramaturgu col so soberanu.[2] Publicar por primer vegada nel Foliu de 1623, posiblemente a partir d'un prompt book,[3] y ye la so traxedia más curtia.[4]
Nun hai seguridá absoluta de que la traxedia sía na so totalidá obra de Shakespeare, una y bones dalgunos afirmen que ciertos pasaxes podríen ser amiestes posteriores del dramaturgu Thomas Middleton, que la so obra La bruxa (The witch) tien múltiples afinidaes con Macbeth.[5]
La obra ta llibremente basada nel rellatu de la vida d'un personaxe históricu, Macbeth, que foi rei de los escoceses ente 1040 y 1057. La fonte principal de Shakespeare pa esta traxedia fueron les Cróniques de Holinshed, obra de la qu'estrayxo tamién los argumentos de les sos obres históriques. Holinshed basóse de la mesma en Historia Gentis Scotorum (Hestoria de los escoceses), obra escrita en llatín pol autor escocés Hector Boece ya impresa per primer vegada en París en 1527. Pa prestar al so mecenes, el rei Xacobu V d'Escocia, Boece había escurecíu deliberadamente la figura de Macbeth, col fin d'aponderar a un hipotéticu antepasáu del rei, Banquo.
Ye importante resaltar que'l testu llega a nós namái al traviés del First Foliu, a diferencia d'otres obres de Shakespeare de les qu'amás se caltienen delles ediciones en "cuartos", aprobaes unes pol autor y otres provenientes de la memoria de los espectadores. Cierta corriente de la crítica sostién que, dada la estensión menor d'esta obra en rellación con otres traxedies del Foliu, puede argumentase que lo que llegó a nós sía un resume de la obra completa de Shakespeare, xustificáu amás pola esistencia de ciertos pasaxes escuros nel testu que dan la impresión de precisar información adicional pa ser interpretaos dientro del contestu de la obra.
- ↑ Pa la primer representación en 1606, vease Gurr (1992, 238), Thomson (1992, 64), y Wickham (1969, 231); pa la fecha de composición vease Brooke (1990, 1) y Clark y Mason (2015, 13).
- ↑ Wickham (1969, 231).
- ↑ El prompt book, yera la copia d'un guión de producción que contién la información necesaria pa crear una producción teatral dende'l principiu.
- ↑ Clark (2015, 1)
- ↑ Cf. Gary Taylor, ≪Empirical Middleton: Macbeth, Adaptation, and Microauthorship≫, 2014.