Maendreserezh

Maendreserezh a reer eus teknik ar moullañ diwar ur gorread plaen ha lenkr — ur maen kleiz (CaCO₃) pe ur blakenn e metal (aluminiom e dibenn an XIX^vet kantved, zink diwezhatoc'h) — dre dennañ splet eus ar fed ma ne c'hall ket eoul kejañ gant dour : dre-se e tiforc'her ar rannoù a lonk liv ar moullañ diouzh ar re na reont ket.

E 1796 e voe ijinet ar maendreszerezh gant an alaman Aloys Senefelder (1771-1834), a oa ur skrivagner, un dramaour hag un aktour, evit moullañ e-unan e oberennoù ; gantañ ivez e voe ijinet anv an doare-ober : ar ger alamanek lithografie, diwar ar gerioù henc'hresianek λίθος líthos, "maen" ha‎ γράφειν gráphein, "skrivañ"^[1],[2]. Da etrebroadel eo troet ar ger : リトグラフ ritogurafu eo e japaneg, da skouer ; "litografiezh" zo e brezhoneg e-kichen "maendreserezh". Sinaiz, o deus ijinet ar moullañ, a ra "moullañ dre waskañ ur maen greunennaet" (石版印刷 sekiban insatseu) eus an teknik.

• E brezhoneg e tiforc'her etre maendreserezh (an teknik), maendresadur (an doare-ober) ha maendresadenn (un oberenn voullet)^[3].

1. ↑ (fr) Dupin, Charles. Rapport du jury central sur les produits de l'industrie française exposés en 1834. Paris : Imprimerie royale, 1836, p. 376. Kavet : 24 Gen 25.
2. ↑ (en) Meggs, Philip B.. A History of Graphic Design. Hoboken, New Jersey : John Wiley & Sons, 1998, p. 146 (ISBN 978-0-471-29198-5)
3. ↑ TermOfis /lithographie. Kavet : 24 Gen 25.