Masedonies

Hierdie artikel handel oor die taal. Vir die etniese groep, sien Masedoniërs.

Masedonies македонски / makedonski
Gepraat in:	Noord-Masedonië  Griekeland  Albanië  Serwië  Roemenië  Bulgarye  Montenegro  Kosovo
Gebied:	Balkan
Totale sprekers:	1,5 miljoen[1]
Rang:	180
Taalfamilie:	Indo-Europees  Slawies   Suid-Slawies    Suidoos-Slawies     Masedonies
Skrifstelsel:	Cyrilliese alfabet
Amptelike status
Amptelike taal in:	Noord-Masedonië
Gereguleer deur:	Instituut van Masedonies
Taalkodes
ISO 639-1:	mk
ISO 639-2:	mkd
ISO 639-3:	mkd
Nota: Hierdie bladsy kan IFA fonetiese simbole in Unicode bevat.

Masedonies (македонски јазик, makedonski jazik, [maˈkɛdɔnski ˈjazik] luister (hulp·inligting)) is 'n taal uit die Suid-Slawiese taalfamilie wat deur sowat 1,5 miljoen mense in Noord-Masedonië, Griekeland, Bulgarye en Albanië gepraat word, asook in lande met Masedoniessprekende immigrante, soos Serwië en Montenegro. Masedonies was vroeër saam met Serwies (as Serwo-Kroaties) en Sloweens die ampstale van die voormalige Joego-Slawië en is nou die amptelike taal van die Republiek Masedonië.

Masedonies is nou verwant aan Bulgaars en word deur taalkundiges dikwels as 'n dialek daarvan beskou. Die Masedoniese dialekte vorm deel van 'n dialekketting wat sowel in die Bulgaarse as die Serwiese taalgebied strek.^[2] Masedonies word in 'n variant van die Cyrilliese alfabet geskryf.

Moderne Masedonies is nie dieselfde as die Masedonies uit die oudheid, 'n Indo-Europese taal wat slegs bekend is uit eiename en 'n paar afsonderlike woorde, nie. Dié taal is moontlik nou verwant aan Grieks.

1. ↑ "Ethnologue: Languages of the World, Seventeenth edition, Macedonian" (in Engels). Ethnologue. Geargiveer vanaf die oorspronklike op 6 September 2019. Besoek op 21 Maart 2016.
2. ↑ (de) Harald Haarmann (2001). Kleines Lexikon der Sprachen. München: C. H. Beck. ISBN 3-406-47558-2.