Back More AF موريون Arabic مور ARY مور ARZ Moru AST Mavrlar AZ Маврҙар BA Маўры BE Маўры BE-X-OLD Маври Bulgarian
As Maure bezäichnet mä alli Berberstämm, wo zum Däil as Nomade z Nordafrika gläbt häi und im 7. Joorhundert vo de Araber islamisiert worde si und die understützt häi, wo si die Iberischi Halbinsle erooberet häi. Si si käi homogeni Volksgrubbe. Vo de Drubbe, wo as ersti uf em öiropäische Festland iidrunge si, si nume e Minderhäit Araber gsi; dr grösst Däil von ene het us Berber bestande, wo im Gebiet vo de hütige Staate Tunesie, Algerie und Marokko dehäi gsi si. Im spöötere Middelalter, bsundrigs sit dr Zit vo de Chrüzüüg, het mä de Maure mäistens Sarazene gsäit.
D Etymologii vom Wort isch nit sicher. Es chönnt vo griech. mauros „dunkel“ häärgläitet si oder aber us ere nordafrikanische Sprooch choo. Dr Naame vo de Maure isch für s antike Riich Mauretanie, die römische Browinze Mauretania Caesariensis und Mauretania Tingitana brucht worde und hüte für dr Staat Mauretanie.