Back Medietilsynet German Norwegian Media Authority English Medietilsynet Spanish سازمان رسانه نروژ FA Medietilsynet NB Medietilsynet Ukrainian
Medietilsynet er ein statleg etat under Kulturdepartementet. Etaten vart oppretta 1. januar 2005 ved ei samanslåing av dei tidlegare etatane Eigarskapstilsynet, Statens filmtilsyn og Statens medieforvalting. Medietilsynet vart samlokalisert i Fredrikstad 20. mars 2006. Den første direktøren til etaten er Tom Thoresen.
Medietilsynet fører tilsyn med kringkasting (allmennkringkastingsvilkåra, reklame og sponsing og vern av barn og unge) og er konsesjons- og registreringsmynde for lokalkringkasting og anna type kringkasting. Etaten har tilsyn med marknads- og eigartilhøve i dagspresse og kringkasting, og handterer òg ulike tilskottsordningar. Medietilsynet set aldergrense på film som skal visast i næring med heimel i lov om film og videogram. I tillegg registrerer tilsynet videogram som skal omsetjast i næring. Medietilsynets Trygg bruk-prosjekt jobbar for trygg bruk av digitale medium for barn, og har ei nasjonalt koordinerande rolle. Medietilsynet Trygg bruk samarbeider med seks departement, og er del av eit større EU-prosjekt.
Medietilsynet står òg som medegar i Norsk Opplagskontroll, selskapet som har ansvar for kontroll av opplagstalet til avisene. Desse tala ligg til grunn ved fordeling av pressestøtta.