Back Era del ferro germànica Catalan Germansk jernalder Danish Germanic Iron Age English Edad del Hierro germánica Spanish Âge du fer germanique French Età del ferro germanica Italian გერმანული რკინის საუკუნე KA Germaanse ijzertijd Dutch Merovingertiden NB Idade do Ferro germânica Portuguese
Merovingartida er perioden mellom 550 og 800 e.Kr i norsk historie. Perioden overlappar folkevandringstida, som vert rekna frå 400 til 600 e.kr. i Noreg, og vert etterfølgt av Karolingartida (ca. 800 til 843), som igjen glir over i vikingtida. Merovingartida var ein sterk brytningsperiode. Funna frå før 700 e. Kr. viser tilknytingar bakover til folkevandringstida, medan yngre funn peikar framover mot vikingtida. Det skjedde ei sterk endring i både gravferdsritual, språk, stil og væpning.
Perioden har fått namnet sitt frå merovingarane, eit frankisk dynasti som regjerte i Gallia frå tidleg på 500-talet til midt på 700-talet. I Sverige kallar ein perioden for vendeltid, etter funna frå gravfeltet ved Vendel i Uppland. I Danmark har ein gått over til å kalla folkevandringstida for eldre, og merovingartida for yngre, germansk jernalder.