Meteoroid

Meteoroidn [meteoroˈiːt] (griach.: de Endung -oeides bedeidd „ehnlich“) san kloane Objekte vom Sunsystem af oana Umlaffbahn um de Sun, vo dena a poa de Eadboh kreizn. De Gress reicht vo Bruchtein vo am Millimeta (Mikrometeoroiden) bis zu etlichn Metan, entsprechend oana Massn vo bis zu mearan Tonnen.

Meteoroiden san gressa ois da interplanetare Staub und kloana ois Asteroidn. Es gibt owa koa eindeitige Obgrenzung, weda vo da Gress hea no vo da Zammasetzung.

Zamma mit dena Asteroidn und Kometn zejn Meteoroidn zu de Kloakeapa vom Sunsystem.

Wann Meteoroidn in de Eadatmosphean eintauchn, etsteht duach de Ionisiarung und Rekombination vo Luftteilchen (und ned duach Reibung) a Leichteascheinung, wo Meteor gnennt wead. Duach de Luftkompression vuam Meteoroidn entsteht a ebmfois ionisiate und hej leichtende Gaskugl aus erhitzta Luft und vadampfta Materie. Kloane Meteore wean aa ois Steanschnuppn bezeichnet, grosse ois Feiaboin oda Boliden. A Meteoroid, wo ned voistendig vagliaht, wead Meteorit gnennt.^[1]

De Meteoroidn kema in easchta Linie vom Asteroidngiatl, kenna owa aa vo jedn andan Himmeskeapa kema. Se entstengan voa oim duach Zammastoss und Einschlog, owa aa duach Einwiakung vom Sunwind auf Kometn.

1. ↑ Astrolexikon: Was ist ein Meteor? Abgerufen am 20. Januar 2009.