Milecastle

Milecastle var ein liten, rektangulær festning frå Romarriket. Dei blie bygde med intervalla på rundt ei romersk mil langs fleire viktige grenser av riket, som ved Hadrianmuren i Britannia.

Langs Hadrianmuren blei milecastlea opphavleg bygde av stein ved dei austlege to tredelane av han, og av stabla torv med ein trepalisade i den vestre tredelen, men milecastle av torv blei seinare bygd opp att med sein. Storleiken varierte, men generelt var dei rundt 15 gangar 18 meter på innsida, med steinmurar så tjukke som 3 meter og truleg 5-6 meter høge, det same som den tilstøytande muren. Der var 80 milecastle og 158 tårn langs muren.

Langs Hadrianmuren vakta vanlegvis eit milecastle ein port gjennom muren og gangvegar over grøfta nord for muren. Dei hadde typisk ein garrnison på rundt 20–30 auxilia-soldatar som budde i to brakkegrupper. På kvar side av eit milecastle var det eit steintårn som låg rundt ei tredels romersk mil (500 meter) unna. Ein går ut frå at folk frå garnisonen også bemanna tårna. Garnisonen ved eit milecastle kontrollerte passasjen til folk, varer og husdyr over grensa, og det er sannsynleg at eit milecastle også fungerte som tollstasjon for grensetrafikken.

Det fanst også eit system av mindre milecastle (kalla milefortlets) og vakttårn imellom frå vestenden av Hadrianmuren, langs kysten av Cumbria så langt som Tårn 25B ved Flimby,^[1] men dei var bundne saman av ein trepalisade og ikkje ein mur med ei djup grøft. Dei hadde heller ingen portar gjennom palisaden.^[2]

1. ↑ «RISEHOW TOWER 25B». Pastscape. English Heritage. Arkivert frå originalen 15. april 2013. Henta 20 Mar 2012. 
2. ↑ Stephen Johnson (2004) Hadrian's Wall, Sterling Publishing Company, Inc, 128 pages, ISBN 0-7134-8840-9