Mirmekienoj

Mirmekienoj, Myrmeciinae, estas subfamilio de Formikedoj, nome formikoj iam troveblaj tutmonde sed nuntempe limigitaj al Aŭstralio kaj Nov-Kaledonio. Tiu subfamilio estas unu el kelkaj formikaj subfamilioj kiuj havas gamergatojn, nome inaj laborformikojn kiuj povas pariĝi kaj reproduktiĝi, tiele subtenante la kolonion post la perdo de reĝino.^[1] La subfamilio de Mirmekienoj estis iam komponita de nur unu genro, nome Myrmecia, sed la subfamilio estis repriskribita de Ward & Brady en 2003 por inkludi du tribojn kaj kvar genrojn.^[2] Aldonaj tri genroj, unu forma genro, kaj 9 specioj estis priskribitaj en 2006 el fosilioj de la Frua Eoceno de Danio, Kanado kaj Vaŝingtonio.^[3]

Ne konfuzu ĝin kun subfamilio Mirmikenoj, Myrmicinae.

1. ↑ Dietemann, Vincent; Peeters, Christian; Hölldobler, Bert (2004). "Gamergates in the Australian ant subfamily Myrmeciinae". Naturwissenschaften. 91 (9): 432–435. Bibcode:2004NW.....91..432D. doi:10.1007/s00114-004-0549-1. PMID 15278223.
2. ↑ Ward, Philip S.; Brady, Seán G. (2003). "Phylogeny and biogeography of the ant subfamily Myrmeciinae (Hymenoptera : Formicidae)" (PDF). Invertebrate Systematics. 17 (3): 361–386. doi:10.1071/IS02046.
3. ↑ Archibald, S.B.; Cover, S. P.; Moreau, C. S. (2006). "Bulldog Ants of the Eocene Okanagan Highlands and History of the Subfamily (Hymenoptera: Formicidae: Myrmeciinae)" (PDF). Annals of the Entomological Society of America. 99 (3): 487–523. doi:10.1603/0013-8746(2006)99[487:BAOTEO]2.0.CO;2.