Multiversu

Multiversu
modelu cosmolóxicu
objeto científico hipotético (es)

Multiversu ye un términu usáu pa definir los múltiples universos posibles, incluyíu'l nuesu propiu. Entiende tou lo qu'esiste físicamente: la totalidá del espaciu y del tiempu, toles formes de materia, enerxía y cantidá de movimientu y les lleis físiques y constantes que les gobiernen.
La idea de que l'universu que puede observase ye namái una parte de la realidá física que dio llugar a la nacencia del conceutu de multiversu. Los distintos universos dientro del multiversu son, dalgunes vegaes, llamaos universos paralelos. La estructura del multiversu, la naturaleza de cada universu dientro d'él, según la rellación ente los diversos universos constituyentes, dependen de la hipótesis de multiversu considerada.
El conceutu de multiversu foi supuestu en cosmoloxía, física, astronomía, filosofía, psicoloxía trespersonal y ficción, sobremanera dientro de la ciencia ficción y de la fantasía. El términu foi acuñáu en 1895 pol psicólogu William James. Nestos contestos, los universos paralelos tamién son llamaos «universos alternativos», «universos cuánticos», «dimensiones interpenetrantes», «mundos paralelos», «realidaes alternatives» o «llinies de tiempu alternatives».