Muse

Muse
Datos
Tipu	grupu de rock
Miembros	Matt Bellamy, Christopher Wolstenholme y Dominic Howard
Xéneru	rock, rock progresivu, rock sinfónico (es) , Rock espacial, hard rock, rock alternativu y metal alternativu
Sellu discográficu	Warner Bros. Records
País	Reinu Xuníu
Orixinarios de	Teignmouth
Fecha fundación	1994
Web oficial

Muse ye una banda británica de rock formada en 1994 n'Inglaterra. Dende la so formación na década de 1990, los sos integrantes son: Matt Bellamy (compositor, voz, guitarra, teclaos); Dominic Howard (batería, percusión); y Christopher Wolstenholme (baxu llétricu, teclaos, coros).^[1][2] Tres el llanzamientu Black Holes and Revelations, Morgan Nicholls empezó a collaborar cola banda mientres les presentaciones en vivu, faciéndose cargu de teclaos, samples, de dellos coros, escasamente del baxu y últimamente de la segunda guitarra.^[3][4] La banda ye conocida polos sos estravagantes espectáculos en vivu, por fundir xéneros musicales como'l rock alternativu, rock espacial, rock progresivu, rock sinfónicu y electrónica,^[5] amás polos atípicos interéses de Bellamy na combalechadura global, la revolución, l'astrofísica, vida estraterrestre, pensamiento humanos y la idea d'un fin del mundu simbólicu; temes que se ven reflexaos nes sos lletres.^[2]

Muse llanzó siete álbumes d'estudiu: Showbiz (1999), Origin of Symmetry (2001).Absolution (2003), Black Holes and Revelations (2006), The Resistance (2009), The 2nd Law (2012) y Drones (2015). Tamién publicaron tres álbumes en vivu: Hullabaloo Soundtrack (2002), que tamién contién una compilación de llaos B; HAARP (2008), que documenta les presentaciones de la banda nel Estadiu de Wembley en 2007; y Live at Rome Olympic Stadium (2013), una presentación de la banda ante más de 60 000 persones n'Italia.

Black Holes and Revelations dio-y a Muse una nominación al Mercury Prize y un tercer llugar na llista de los sos meyores álbumes del añu según la revista NME en 2006. Muse tamién ganó diversos premios a lo llargo de la so carrera, incluyendo cinco MTV Europe Music Awards, seis Q Awards, ocho NME Awards, dos Brit Awards (premiu a la «meyor actuación británica en vivu» dos vegaes, un MTV Video Music Award, cuatro Kerrang! Awards y un American Music Award. Tamién fueron nomaos pa cinco Premios Grammy, onde ganaron na categoría meyor álbum de rock en 2011, pol so quintu álbum d'estudiu The Resistance (2009), siendo tamién ganadores del mesmu premiu por Drones nel 2015.

1. ↑ Strong (2006), páx.745
2. ↑ ^{2,0 2,1} «Muse the alternative rock band» (inglés). RTV Channel (marzu de 2009). Consultáu'l 23 de febreru de 2010.
3. ↑ Yong Shu Hoong (febreru de 2010). «Muse leads rock uprising» (inglés). Asia One. Archiváu dende l'orixinal, el 2010-02-09. Consultáu'l 23 de febreru de 2010.
4. ↑ «NME.COM - Noticies - Muse play supermassive free show.». NME (4 d'avientu de 2006).
5. ↑ Heather Phares. «Muse > Biography». allmusic. Consultáu'l 1 de xunetu de 2009.